منتديات ابناء قرية السـقاي

منتديات ابناء قرية السـقاي (http://alsaggai.net/vb/index.php)
-   منتدى الحوار العام (http://alsaggai.net/vb/forumdisplay.php?f=2)
-   -   عمر البشير (http://alsaggai.net/vb/showthread.php?t=86)

حسن البطري 12-19-2010 11:21 AM

عمر البشير
 
أنا الآن جالس على مكتبي بأسواق محاصيل القضارف ، والدنيا من حولي بالخارج مقلوبة - سامعين صوت النجدة - والقيامي قايمي ، والشغل متوقف تماماً .
وذلك بسبب زيارة السيد الرئيس عمر البشير اليوم وفي هذه اللحظات لولاية القضارف ، بمناسبة أعياد الحصاد التي تقام سنوياً بالولاية .
جماهير ولاية القضارف كلها الآن بسوق المحصول تترقب مقدم السيد الرئيس ، وهم يحملون اللافتات والبيارق والأغصان وقناديل العيش ، وكم تمنيت أن تكون معي كاميرة الهادي أو أن يكون معنا هنا لتصوير المشهد .
نتمنى أن تعدي الزيارة بسلام وأمان وحلحلة مشاكل الولاية .

سليم الناظر 12-19-2010 10:17 PM

صدقني لا يحل لا يربط عمك ده
لكن يا حسن الزول النظم طريقة مرور امام الرئيس
ده زول عبقري ونكتة في نفس اللحظه انت عارف انا شفت
كارو ومن فوق للكارو امراة تجلس وتعوس في كسره والكارو ماشيه
وهي تعوس الغريب انو صاجه سخن

حسن البطري 12-20-2010 08:15 AM

صباح الخير يا سليم الذوق
والله تصدق أنا المشهد ده ما شفتو .
ولا خطاب الرئيس ما سمعتو مباشرة ، لكن والله كلامو سمح رغم إني ما سمعتو .

قالو واحد من الأنصار المتعصبين جاء يحكي لي صاحبو قال ليهو والله البارح سيدي الصادق جاء أدانا ندوة خلاني ليك أبكي كرررررر .
صاحبو قال ليهو : أها وقال شنو ؟
قال ليهو : وه .. وكمان كلام سيدي الصادق بنفهم
!!!

الهادي قنديل 12-20-2010 08:29 AM

اقتباس:

المشاركة الأصلية كتبت بواسطة حسن البطري (المشاركة 730)
قال ليهو : وه .. وكمان كلام سيدي الصادق بنفهم !!!

اخوي الحسن صباحك سمسم
سمسم دي بمناسبة اعياد الحصاد

اما باقي الكلام عن الزيارة ولا بنفهم :D

حسن البطري 12-20-2010 10:00 AM

حبيبنا الهادي
أول حاجة أنا داير أعرف إنت بتنوم متين ؟

والله يالهادي سمسم القضارف حولينا الآن جبال جبال ، يمين البرجة تعاين لمن طاقيتك تقع ، والعجب العجيب الذرة .
تحايانا

الهادي قنديل 12-20-2010 10:12 AM

اقتباس:

المشاركة الأصلية كتبت بواسطة حسن البطري (المشاركة 737)
حبيبنا الهادي
أول حاجة أنا داير أعرف إنت بتنوم متين ؟

عندك 3 ساعات بالنهار من الساعه 1- 4 وتاني الا الله يجيب لي نومة بالغلط :D

حسن البطري 12-20-2010 11:04 AM

أخونا الهادي
شايفك تلحق داك
وتجابد داك
وتشارك هناك
وكل ما دخل زول يلقاك ترحب بيهو ماشاء الله .
قالوا المهموم ما بينوم
وتاني قالو : كان كترت الهموم إندمدم ونوم
نوم العافي

الهادي قنديل 12-22-2010 01:59 AM

انت عارف يا حسن يا اخوي
يشهدالله المنتدى معاي صاحي نايم .. بالله بس انوم تجيني ليك الاقتباسات ونقل المواضيع والمشاركة في الرد وعيييك :p
بعدين ايام مشكلة المنتدى الاول اكون نايم طوالي احلم انو المنتدى رجع وابدأ اشارك كمان يسألني الله لمن اصحى واكتشف الموضوع حلم يا الحسن اقرّب ابكي:icon1366:

عبدالجليل خضر 12-22-2010 03:58 AM

ود البطرى انت عمر البشير خلو تجاره السمسم وزراعه العيش فى القضارف باقيلك ما بنلقانه كده فيهن قالوا زى لعب القمار والمخازن الا فى مخازن البنك الزراعى .
نورنا بالله ....انت وين عادل ود الميجر وود منقلوس فى حى المعاصر فى القضارف ؟؟؟؟

حسن البطري 12-22-2010 09:54 AM

أوووووو أخونا عبد الجليل خضر
أولاً البركة فيكم ياخي في الخالة آسيا سعد
ثانياً حمد لله على سلامة العودة .
والله المنتدى نور بقدومك .

أما عن القضارف والمحاصيل يمين بس دايري زول عندو رأس مال والكويسة إنك بأقل رأس مال ممكن تشتغل (سمسم ، ذرة بكل انواعها ) بعدين البلد كلها مخازن وصوامع المخزن يمين مد البصر
الاسعار اليوم بأسواق محاصيل القضارف
السمسم 620 جنيه للأردب
الذرة 145 للأردب
أما عبد الرؤوف منقلوس فات القضارف ومشى كسلا والآن مستقر هناك
وعادل الميجر ما لقيتو في القضارف أطن فارقها بدري


.

Powered by vBulletin™ Version {9.9.9}
Copyright © 2014 vBulletin Solutions, Inc. All rights reserved.

vEhdaa 1.1 by NLP ©2009